Plantun de Prouvènço

Pèr coumpara dos planto d'encò nostre

Salix reticulata & Typha laxmannii

Salix reticulata

Salicaceae

Nom en français : Saule à feuilles réticulées.

Descripcioun :
Lou sause-di-fueio-reticulado es un di quatre sause nanet que trachisson dins lis Aup prouvençalo. Se recounèis majamen bonodi si fueio redouno o quàsi, peludo dessouto, e subretout emé de costo founso que ié dounon un èr reticula. Li catoun de flour, de 10 à 30 mm, e pourta pèr de long pecou, aparèisson pulèu tard dins la sesoun. I'agrado li relarg que soun resta de tèms souto la nèu.

Usanço :
Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre.

Port : Pichoto planto lignouso
Taio : 3 à 10 cm
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Roso
Petalo : ges
Ø (o loungour) enflourejado : 10 à 30 mm
Flourido : Printèms - Estiéu

Sòu : Ca
Autour basso e auto : 1600 à 2800 m
Aparado : Noun
Jun à avoust

Liò : Coumbo à nèu - Pelouso - Roucaio umido
Estànci : Subaupen à Aupen
Couroulougi : Bourealo
Ref. sc. : Salix reticulata L., 1753

Fielouso(-de-Laxmann)

Typha laxmannii

Typhaceae

Àutri noum : Filouso, Sagno, Masseto.

Nom en français : Massette de Laxmann.

Descripcioun :
Aquesto fielouso o sagno trachis dins li roubino e en ribo d'aigo. La planto es eici pas tant verdalo que si cousino. Pèr la destria mai seguramen fau regarda li fueio que fan de 2 à 5 mm de larg, aleva aquéli di rejit que podon faire fin qu'à 8 mm. Causo impourtanto, lis auriheto di fueio d'en aut soun bèn marcado emé souvènt de pichòti pouncho (vèire la fotò).

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.